HATAW! D'yaryo ng Bayan hatawtabloid.com
PASOK na si Gabe Norwood sa bagong pool ng Gilas Pilipinas ni coach Tab Baldwin .
Si Norwood ang tanging manlalaro ng Rain or Shine na kasama sa listahan ni Baldwin para sa national team na sasabak sa FIBA Asia Championships sa Changsha, Tsina, mula Setyembre 23 hanggang Oktubre 3.
“Yes, confirmed na si Gabe [ Norwood ] lang ang napagkasunduan ng management na ipahihiram,” wika ng board governor ng Elasto Painters na si Atty. Mamerto Mondragon.
Si Norwood ay dating naglaro sa Gilas sa ilalim ni coach Chot Reyes at kasama niya mula sa ROS sina Paul Lee, Jeff Chan at Beau Belga.
Umayaw na si Belga sa national team dahil sa kanyang pilay sa paa samantalang nasa Amerika si Lee upang bisitahin ang kanyang kamag-anak na may sakit.
Umatras na rin si Japeth Aguilar sa Gilas dahil katatapos lang niyang magpa-opera sa kanyang maliit na daliri sa kanyang kaliwang kamay.
“Japeth will be out for 12 weeks. He has been having that injury since last season pa and he was playing through the pain last conference,” wika ng manager ni Aguilar na si Matthew Espiritu sa panayam ng programang Sportsdesk ng CNN Philippines noong Huwebes ng gabi.
ni JAMES TY III
