LT, nanibago sa Misterless Misis

MISTERLESS!

Ang witty ng naka-isip ng title na Misterless Misis sa bagong sitcom ng TV5 na tatampukan nina Lorna Tolentino, Ruffa Guitierrez, Gelli de Belen, Ritz Azul, introducing Andie with Ms. Mitch Valdez directed by Mark Meilly sa pakikipagtulungan ng Unitel sa Kapatid Network.

Kaya aliw ang mga bida sa roles na in-assign sa kanila sa issues ng kababaihan. One show na mararamdaman ang women empowerment in the most entertaining of ways.

In a way, naninibago ang dramatic actress na si LT. Kahit na nga raw kasi mostly katatawanan ang eksena, seryoso sila sa pag-memorize ng ilang pahina nilang mga dialogue.

“At saka tuwing eksena ni direk ‘pag medyo nawawala at hindi sumu-swak ang punchline we have to take it again. Kaya parang pelikula ang ginagawa namin.”

But the grandslam actress who is a misterless misis now in real life says the pressures she encounters in her life now have something to do na with her being a “lola” to her Tori.

“Ang dami na kasing gustong gawin. Nag-swimming. Nag-ballet. Gusto maman mag-violin. Kaya alam mo ang inclination. Pero siyempre ang parents ang masusunod d’yan. Kaya alam mo na aral muna.”

Inusisa namin ang pagiging misterless niya ngayon.

“Mahirap, eh. Well, sabi kung may darating na meant for you. Pero ako now, I still talk to Daboy (Rudy Fernandez). I consult him pa rin sa mga decision ko. At kaya nagiging madali, Daboy ‘ata is one of the most organized na tao kasi, whenever I need something like sa mga papeles, files, ang daling nahahanap ni Ralph (Rap-Rap). Pictures, videos, files-na-organize pala niya lahat!”

Eh, ‘di bukod sa pagiging misterless, paperless na rin ang naging focused sa pagiging farmer niya.

Naku, ang dami ng nag-aabang sa pagsisimula nito sa August 9 (Linggo) at 9:00 p.m. sa Kapatid Network.

HARDTALK – Pilar Mateo