Pacquiao hahawak ng koponan sa ABL

BABALIK ang Pilipinas sa ASEAN Basketball League sa tulong ng Pambansang Kamao na si Manny Pacquiao.

Magtatayo si Pacquiao ng koponan sa liga na tatawaging Pacman Mindanao Aguilas.

Tutulong kay Pacquiao sa pagpondo ng Aguilas ang mga negosyanteng taga-Zamboanga na sina Mark Chiong at Rolando Navarro.

“We want to showcase the basketball talents of players from the Mindanao region and that we can play in competitive leagues such as the ABL,” wika ni Aguilas General Manager Sergei Bien Orillo. “Our participation is also a sign of unity and peace in this region. Boss Manny Pacquiao is proud to show the untapped talents and resources from Mindanao, and how beautiful it’s cities are, to the rest of the Philippines and the ASEAN nations.”

Idinagdag ng head coach ng Aguilas na si Nino Natividad na lahat ng mga manlalaro ng koponan ay manggagaling sa Mindanao.

Walang koponang Pinoy ang sumali sa ABL noong isang taon pagkatapos na umatras ang Philippine Patriots (ngayon ay Globalport Batang Pier) at San Miguel Beermen na parehong nasa PBA na.

Magsisimula ang bagong season ng ABL sa Oktubre. (James Ty III)