Mike Arroyo rumesbak sa banat vs GMA

BUMUWELTA si dating first gentleman Mike Arroyo sa muling pag-upak ni Pangulong Benigno “Noynoy” Aquino III sa kanyang misis na si dating presidente at ngayo’y Pampanga Congresswoman Gloria Macapagal-Arroyo.

Ayon kay Arroyo, walang nagawa si Aquino kaya pinagdidiskitahan ang dating pangulo sa State of the Nation Address (SONA) nitong Lunes.

Giit niya, hindi wasto ang mga pahayag ni Aquino na gumamit pa aniya ng mga hindi kilalang tao para iangat ang sarili.

Sa mahigit dalawang oras na SONA, tahasan pa ring sinisi ni Aquino ang sinundang administrasyon.

Ayon sa dating first gentleman, self-serving, walang laman at pawang propaganda ang talumpati ng pangulo.

Kasinungalingan din aniya ang mga ibinida ni Aquino na kawalan ng backlog sa textbooks at classroom.