Marcos highway isinara (Dahil sa landslide)

ISINARA pansamantala sa trapiko ang Marcos Highway, dakong 7 a.m. nitong Linggo.

Ayon sa Tuba Police, dahil sa malaking landslide sa Brgy. Poyopoy, Taloy Sur sa Benguet kaya isinara ang kalsada.

Inaabisohan ang mga motoristang aakyat sa Baguio City na gamitin na lang muna ang Naguilian Road partikular para sa mga truck at bus.

Bukas din sa trapiko ang Kennon Road.

Kahapon ay bahagya nang umaraw at tumigil na ang pag-ulan sa lungsod ng Baguio.