Misis utas sa saksak ng dyowang sekyu (Nagtalo sa kapos na pera)

PATAY ang isang misis makaraan pagsasaksakin ng kanyang live-in partner na sekyu nang magtalo dahil sa kakapusan sa pera kamakalawa ng gabi sa Caloocan City.

Agad binawian ng buhay ang biktimang si Analyn Ental, 34, tubong Zamboanga Del Norte, residente ng 2166 CBY Barracks II, Purok 6, Brgy. 185, Malaria ng nasabing lungsod.

Habang pinaghahanap ang kanyang live-in partner na si Domingo Albarico, security guard, mabilis na tumakas.

Batay sa ulat ni PO3 Gomer Mappala, dakong 10:46 p.m. nang maganap ang insidente sa loob ng bahay ng dalawa sa nasabing lugar.

Salaysay ng kapitbahay nilang si Raymond Dagdag, 31, bago ang insidente, narinig niyang nag-aaway ang mag-asawa dahil sa kakapusan sa pera.

Pagkaraan ay nagalit ang suspek, kumuha ng itak at pinagsasaksak ang biktima.

Rommel Sales