Ina utas sa taga ng anak na may saltik (Stepfather kritikal)

NAGA CITY – Nalagutan ng hininga ang isang ginang makaraan pagtatagain ng kanyang anak na may problema sa pag-iisip sa Sitio Sugod, Brgy. Bahao, Libmanan, Camarines Sur kamakalawa.

Kinilala ang biktimang si Helen Bautista, 50-anyos.

Ayon kay PO1 Sheryl Cristo, nagkaroon ng hindi pagkakaintindihan ang biktima at ang anak ni-yang si Alexis Reyes dahil tutol ang suspek sa pagsasama ng kanyang ina at nang bago niyang asawa na si Romeo Bautista.

Agad kumuha ng karit si Reyes at pinagta-taga ang kanyang ina hanggang mamatay.

Nakita ng dalawang anak ni Helen at Romeo ang insidente kaya agad nagsumbong sa kanilang ama.

Pagdating ni Romeo sa bahay, hindi na niya naabutang buhay ang kanyang asawa kaya si Reyes ang hinarap na humantong sa tagaan ng dalawa.

Nagkaroon ang suspek ng mga sugat sa iba’t ibang bahagi ng katawan habang si Romeo ay may matinding tama rin sa tiyan.

Agad isinugod sa ospital ang dalawa para sa atensiyong medikal.