Batang maingay iginapos kelot kalaboso (Istorbo raw sa pagtulog)

NAGA CITY – Bagsak sa kulungan ang isang construction worker makaraan maltratuhin ang isang bata sa Lucena City kamakalawa.

Kinilala ang suspek na si Jimmy Cariaso, 36-anyos.

Ayon sa ulat, natutulog ang suspek sa kanyang bahay dakong 4 p.m. nang bigla siyang magising dahil sa ingay ng naglalarong biktima sa labas ng bahay.

Galit na lumabas sa kanyang bahay ang suspek at hinila ang 8-anyos bata patungo sa bahay-kubo sa likod ng kanyang tirahan.

Pagdating doon ay pinayakap ng suspek ang bata sa haliging kawayan bago itinali ang mga kamay, paa at katawan.

Nang makarating sa ama ng biktima ang pangyayari, dali-dali niyang tinungo ang lugar ngunit hinabol siya ng suspek ng patalim.