Truck helper niratrat

KRITIKAL ang kalagayan sa pagamutan ng isang truck helper makaraan pagbabarilin ng hindi nakilalang suspek kamakalawa ng gabi sa Navotas City.

Patuloy na inoobserbahan sa Tondo Medical Center ang biktimang si Ruben Garcia, 34, residente sa Sto. Niño St., Brgy. North Bay Boulevard South ng nasabing lungsod.

Habang pinaghahanap ang hindi nakilalang suspek na mabilis na tumakas makaraan ang pamamaril.

Batay sa ulat ni PO3 Ronnie Garan, dakong 6:30 p.m. nang maganap ang insidente ilang metro ang layo sa kanilang bahay.

Naglalakad ang biktima pauwi sa kanilang bahay nang sundan siya ng suspek at pagsapit sa madilim na lugar ay bigla siyang pinagbabaril.

Rommel Sales