HATAW! D'yaryo ng Bayan hatawtabloid.com
NABANGGIT ni Kiray Celis na handa siyang lumipat kahit saang TV station na magbibigay sa kanya ng magandang offer. Ngayo’y wala siyang show sa ABS CBN at sa TV5 siya may regular na work. Wala na raw siya sa youth oriented show na Luv U kaya nagpapasalmat siya sa Kapatid Network.
“Kaya natuwa naman ako na nakasali ako rito sa #ParangNormal Activity. Actually guest lang ako dapat dito na naging main cast na rin. Kasi nga si Direk Perci (Intalan) is nakasama ko na sa last Shake Rattle and Roll.
“Hindi ako nawawalan ng raket, e. Kasi kumakanta ako at sumasayaw, at nagho-hosting na ako. Kaya natutuwa naman ako.
“Kapag tinatanong nga ako, ‘Buti pinayagan ka nila?’ Bakit naman hindi? Eh wala naman akong ginagawa sa kanila, ‘di ba? ‘Tsaka mas maiinis pa ako kung wala na nga kong ginagawa, tapos pagbabawalan pa nila ako,” esplika ni Kiray.
Aminado rin si Kiray na naiinggit siya sa ibang artists ng Star Magic at nasabi rin niyang hindi siya nakakontra sa Kapamilya Network. “Actually hindi ako nakakontrata sa kanila. Sa Star Magic, oo. Pero sa ABS, kasi mayroong kontrata na kahit wala kang ginagawa binabayaran ka nila at sinusuwelduhan ka nila. Hindi ako ganoong artista, e.”
Bakit ‘di ka kasali sa ganoon? “’Di po ako pinapirma. Siguro hindi ako ganoon kaimportante para papirmahin,” nakatawang sagot ni Kiray.
Nasaktan ka ba roon? “Hindi naman, pero naiinggit ako,” nakatawang tugon pa niya.
Pakiramdam mo ba parang ipinamimigay ka ng ABS CBN sa TV5 dahil dito may project ka, pero sa kanila ay wala?
“Alam mo, kung saan may project, kahit saang estasyon kapag mayroong nag-offer sa akin na puwede akong makabili ng bahay, lilipat ako kahit saan. Sinabi ko ‘yan sa mama ko. Like… it’s not about fame, it’s about money, e. Like, nagagawa ko ito kasi gusto ko. Pero, pera-pera rin talaga, e,” seryosong pahayag niya.
So, praktikal lang? “Oo naman, kasi hindi na ako yung gusto kong sumikat ako, hindi na yung ganoon eh. Hindi naman sa malaki na yung ulo ko, na feeling ko sikat na ako. Pero hindi yon yung kailangan ko, hindi yun yung purpose ko kaya pumasok sa industry na ‘to.
“Pumasok talaga ako rito para makatulong sa pamilya ko. Like, iyon yung una kong rason at iyon pa rin yung rason ko hanggang ngayon,” saad pa niya.
Kasama ni Kiray sa #ParangNormal Activity sina Ella Cruz, Ryle Paolo Santiago, Andre Garcia, Shaun Salvador, Eunice Lagusad, at iba pa.
ALAM MO NA! – Nonie V. Nicasio
