Kelot tigok sa motel kasamang bebot arestado sa shabu

TUGUEGARAO CITY – Patay ang isang lalaki makaraan ma-stroke sa loob ng hotel sa lungsod ng Tuguegarao habang inaresto ang kanyang live-in partner dahil sa pag-iingat ng shabu kamakalawa.

Kinilala ang babae na si Jackelyn Plantado, 48, tubong Binangonan, Rizal, habang ang kanyang live-in partner ay si Crisanto Apadia, 53, ng Tuguegarao City.

Una rito, pumasok ang dalawa sa hotel ngunit pagkalipas ng ilang oras ay nagpasakloklo ang babae sa mga empleyado ng hotel dahil na-stroke ang kanyang kinakasama.

Ngunit patay na ang lalaki nang dumating ang mga tauhan ng City Disaster Risk Reduction and Management Council at People’s General Hospital.

Sa pagresponde ng mga pulis at paghalughog nila sa hotel room ng dalawa, nakita ang siyam plastic sachet naglalaman ng shabu na itinago sa flower vase.