3 bahay sa relocation site gumuho

GUMUHO ang tatlong bahay sa relocation site ng National Housing Authority (NHA) sa Brgy. Muzon,  San Jose Del Monte City, sa Bulacan kamakalawa.

Ayon sa mga residente sa Phase 1 ng San Jose Heights sa naturang barangay, lumambot ang lupa dahil sa tuloy-tuloy na pag-ulan na epekto ng Habagat na pinalakas ng Bagyong Egay at Falcon.

Nabatid na unang napansin ng mga residente ang bitak sa ilang bahay kaya agad silang nagsilikas. Bukod sa gumuhong mga bahay, natumba rin ang poste ng koryente.

Una nang inireklamo ng mga residente sa mga opisyal ng NHA ang hindi maayos na pagkakagawa ng rip-rap ng ilog dahil nahaharangan nito ang pagdaloy ng tubig.

Micka Bautista