Number coding sa Metro Manila sinuspinde

PANSAMANTALANG sinuspinde ang implimentasyon ng number coding scheme sa Metro Manila kahapon.

Ayon sa Metropolitan Manila Development Authority (MMDA), sakop nito ang lahat ng lungsod at isang munisipalidad sa National Capital Region (NCR).

Matatandaan, noong mga nakaraang araw ay hindi kasama ang Las Piñas at Makati sa suspensiyon ng number coding.

Ngunit dahil sa inaasahang muling pagbuhos nang malakas na ulan at posibleng pagbaha, minabuti na ng mga lokal na pamahalaan ng dalawang lungsod na makisama na rin sa suspensiyon ng traffic scheme.

Jaja Garcia