Foreigner na MERS carrier magaling na — DoH

MAAARI nang makalabas sa quarantine ang dayuhan mula sa Middle East na naging carrier ng Middle East Respiratory Syndrome-Corona Virus (MERS-COV) pagdating sa Filipinas.

Ayon sa Department of Health (DoH), sa darating na weekends ay madi-discharge na sa ospital ang naturang 34-anyos  foreigner, makaraan mag-negatibo sa virus.

Gayonman, ang nakasama niyang isang 32-anyos babae ay mananatili sa Research Institute for Tropical Medicine (RITM) sa Muntinlupa para kompletohin ang 14-day quarantine period.

Nitong Lunes inilinaw ni DoH Secretary Janette Garin na mahigpit nilang mino-monitor ang MERS-COV patient sa RITM.

Malakas din aniya ang immune system ng pasyente kaya nasa recovery process agad.

Unang naramdaman ng dayuhan ang mga sintomas ng MERS noong Hulyo 2, at isinailalim sa pagsusuri noong Hulyo 4.