HATAW! D'yaryo ng Bayan hatawtabloid.com
MATAPOS batikusin ng kaliwa’t kanan sa social media dahil sinisi nila ang netizens sa bromance issue nina Kenzo at Bailey, ang Kamille-Kenzo love angle naman ang ipinu-push ng Pinoy Big Brother.
Pilita Corrales (pilit) ang nilulutong tambalan nina Kamille and Kenzo dahil alam naman ng marami na mayroong karelasyon at anak si Kamille. With that ay nagmukhang trying very hard ang show dahil alam naman ng social media people na ginagawa lang ang Kamille-Kenzo love team para mabaling sa kanila ang atensiyon at makalimutan na ang Bailey-Kenzo bromance.
Nagwala ang netizens nang sisihin sila ng Dos sa statement na inilabas ng ABS-CBN wherein sinabi nitong binigyan ng malisya ng mga tao sa social media ang closeness nina Bailey and Kenzo. Binatikos din sa statement ang netizens for bullying the two.
Dahil diyan, tinanggal nila ang livestreaming coverage nila ngPBB. Actually, ginawa na lang nilang scapegoat ang netizens matapos silang ipatawag ng MTRCB dahil sa sari-saring reklamo sa show nila.
Ngayon, ang paandar naman ng Dos ay mayroong petition ang fans para ibalik ang livestreaming ng PBB. A certain Pepsi Punk daw ang nagpasimula ng petition na ito sa popular website na Change.org.
UNCUT – Alex Brosas
