P.2-M droga nakompiska sa checkpoint sa Lucena

NAGA CITY – Bagsak sa kulungan ang isang mangingisda makaraan makompiskahan ng ilegal na droga sa checkpoint operation ng mga awtoridad sa Lucena City kamakalawa.

Kinilala ang suspek na si Florencio Delos Angeles, 43-anyos.

Nakuha sa pag-iingat ni Delos Angeles ang pitong piraso ng heat-sealed transparent plastic sachet na may laman ng pinaniniwalaang shabu at mga drug paraphernalia.

Sa pagtaya ng mga awtoridad, aabot sa mahigit 20 gramo ng ilegal na droga ang nakuha sa suspek na may P200,000 market value.

Agad dinala sa Quezon Provincial Crime Laboratory ang mga ebidensiya maging si Delos Angeles para isailalim sa laboratory at urine test examination.

Pansamantalang nakakulong ang naturang mangingisda sa Lucena City Police Station at nakatakdang sampahan ng kasong paglabag sa RA 9165 o Comprehensive Dangerous Drug of 2002.