Kelot todas, 1 pa kritikal sa karera ng motorsiklo

PATAY ang isang lalaki habang kritikal ang isa pa nang magkasagian ang kanilang motorsiklo habang nagkakarera kamakalawa ng madaling-araw sa Caloocan City.

Hindi na umabot nang buhay sa Tondo Medical Center si Jeralyn Paredes, nasa hustong gulang, sanhi ng pagkadurog ng ulo at bali sa katawan, habang kritikal ang kalagayan sa Chinese General Hospital ng kakarera niyang si Jonathan Sajonia.

Batay sa ulat ni PO3 Nestor Arcitio, dakong 3 a.m. nang maganap ang insidente sa kahabaan ng D. Aquino St., Brgy. 43 ng nasabing lungsod.

Nagkakarera ang dalawa ngunit nang abutan ng motorsiklo ni Paredes ang motorsiklo ni Sajonia ay nagkasagian sila na nagresulta sa kapwa nila pagtilapon.

Rommel Sales