Chinese nat’l, 2 pa timbog sa droga

ARESTADO ang isang Chinese national at dalawa niyang kasama sa pagsalakay ng mga kagawad ng Philippine Drug Enforcement Agency (PDEA) sa bisa ng search warrant sa lalawigan ng Bulacan kamakalawa.

Kinilala ni PDEA Director General Undersecretary Arturo Cacdac, Jr., ang mga suspek na sina Patrick Martin (Ching Qin Ang), 48, negosyante; Wilson Resurreccion, 37, at Adrian Bersola, 45-anyos.

Ayon sa ulat, bitbit ang  search warrant na ipinalabas ni Judge Primo Sio ng RTC Branch 23, Cabanatuan City, inaresto si Martin sa kanyang bahay sa Brgy. Bulihan ng nasabing probinsya, gayon din sina Resurreccion at Bersola.

Narekober sa operasyon ang isang transparent plastic sachet ng hinihinalang shabu na tumitibang ng 1.6 grams, at apat strip ng aluminum foil.

Jethro Sinocruz