Samboy Lim patuloy sa paggaling

 

UNTI-UNTING nagpapakita ng senyales na makakabangon uli ang dating PBA superstar na si Avelino “Samboy” Lim.

Noong Biyernes ay naging matagumpay ang angioplastic operation ni Lim sa Medical City sa Ortigas kung saan binuksan ang dalawang blockages sa dalawa niyang mga artery patungo sa kanyang puso.

Ayon sa kanyang dating maybahay na si Lelen Berberabe ng Pag-IBIG Fund, unti-unting gumagalaw ang bibig, mata at binti ni Lim at napapaiyak na siya, bukod sa kanyang pag-ngiti at paggalaw ng kanyang mga daliri.

“Me, his brother Bonbon and our daughter Jaime are arranging for quarterly check-ups in the hospital,” wika ni Berberabe. “His doctors said his recovery is amazing since he was admitted in alpha coma or a state of no awakening.”

Sa ngayon ay kailangan pa ng physical therapy si Lim bago siya tuluyang gumaling at tatlong nars ang nagbabantay sa kanya sa loob ng tig-walong oras na shift.

Bukod pa rito ay dalawang physical therapists ang bumibisita kay Lim tatlong beses isang linggo upang mag-checkup sa kanya.

Matatandaan na biglang hinimatay si Lim habang naglaro siya ng isang pick-up game sa Ynares Sports Arena sa Pasig noong Nobyembre.

ni James Ty III