HATAW! D'yaryo ng Bayan hatawtabloid.com
KAHIT hindi pa tapos ang PBA Governors’ Cup, nagsisimula na ang ilang mga koponan sa pagpasok sa mga trades para sa susunod na PBA season.
Kahapon ay inanunsiyo ng Globalport ang pagkuha nito kay Joseph Yeo mula sa Barako Bull kapalit ng isang first round draft pick sa 2016.
Habang sinusulat ito ay isinusumite pa ng kampo ni Mikee Romero ang nasabing trade sa opisina ni PBA Commissioner Chito Salud.
“Stanley (Pringle)-Terrence (Romeo) and Yeo ang big three natin. Yeo kapalit ni Omar (Krayem). Stanley and Terrence ang mga franchise player natin,” pagdeklara ni Romero sa Twitter account ng kanyang koponan.
Nag-average si Yeo ng 13.6 puntos, 3.2 rebounds at 4.8 assists para sa Barako na natalo sa quarterfinals kontra Rain or Shine.
Bago nito ay naglaro si Yeo sa Barangay Ginebra San Miguel sa Philippine Cup at Commissioner’s Cup.
Naunang nakuha ng Barako si Brian Heruela mula sa Blackwater kapalit ni Carlo Lastimosa ngunit may posibilidad na mapupunta si Heruela sa San Miguel Beer upang muling magkasama ni June Mar Fajardo na dati niyang kakampi sa University of Cebu sa CESAFI.
(James Ty III)
