LTO lady chief sugatan sa ambush

TUGUEGARAO CITY – Nilalapatan ng lunas sa isang pribadong ospital sa lungsod ng Tuguegarao ang hepe ng Land Transporation Office (LTO) sa bayan ng Gat-taran, Cagayan na pinagbabaril ng riding in tandem kamakalawa.

Kinilala ang biktimang si Belina Taguiam, 53, residente ng lungsod ng Tuguegarao.

Batay sa pagsisiyasat ng PNP Gattaran, lumapit ang isa sa mga suspek sa salamin na may maliit na butas sa tanggapan ng LTO habang nakaupo sa loob ang biktima.

Ipinasok ng gunman ang kanyang baril sa maliit na butas sa salamin at pinaputukan ng dalawang beses ang biktima.

Tinamaan ng bala sa kanang balikat at tiyan ang biktima.

Hanggang ngayon ay inaalam pa ng mga awtoridad ang pagkakakilanlan ng mga suspek at motibo sa pamamaril.