10-anyos Chinese boy nalunod sa pool

NALUNOD ang isang 10-anyos batang Chinese habang naliligo sa swimming pool sa Binondo, Maynila kahapon.

Hindi na umabot nang buhay sa Metropolitan Hospital ang biktimang si Siu Wei Yan, Chinese national, residente ng Unit 12-E Mandarin Condominium sa Ongpin St., Binondo, Maynila.

Ayon ulat ni SPO3 Victor Jimenez ng Miesic Police Station 11, dakong 12:30 p.m. nang maganap ang insidente sa swimming pool ng naturang condominium sa ika-7 palapag.

Ayon kay SPO3 Jimenez, ang ama ng biktima na si Wei Han Chao ang nag-report ng insidente.

Sa ngayon, inaalam pa ng mga awtoridad kung paano nalunod ang biktima at kung sino ang kasama nang maganap ang insidente.

Nakikipag-ugnayan na ang mga awtoridad sa management ng condominium para makakuha ng CCTV footage sa pool area.

Leonard Basilio, may kasamang ulat nina Anne Marielle Eugenio, Rhea Fe Pasumbal at Beatriz Pereña