16-anyos dinonselya ng trike driver

CALAUAG, Quezon – Dumulog sa himpilan ng pulisya ang isang 16-anyos estudyante makaraan gahasain ng isang tricycle driver kamakalawa ng gabi sa Brgy. Poblacion, ng nasabing bayan.

Ayon sa salaysay ng biktimang itinago sa pangalang Melba, residente ng nasabing lugar, pauwi na siya dakong 10 p.m. kaya sumakay siya tricycle ng hindi nakilalang suspek.

Ngunit pagsapit nila sa madilim na lugar ay pinaghahalikan ng suspek ang biktima at ginahasa sa damuhan.

Nagpumiglas ang biktima ngunit nanaig ang lakas ng suspek na matagumpay na nailugso ang puri ng dalagita at pagkaraan ay mabilis na tumakas ang salarin.

Kasalukuyang tinutugis ng mga awtoridad ang nasabing suspek.

Raffy Sarnate