HATAW! D'yaryo ng Bayan hatawtabloid.com
HINDI kataka-takang nabigyan ng Graded A ng Cinema Evaluation Board ang kauna-unahang pelikulang pinagtatambalan nina Piolo Pascual at Sarah Geronimo, ang The Breakup Playlist dahil sa teaser pa lang, panalo na ang istorya at pagganap ng dalawa.
Sa pagsasama ng dalawa, sinasabi at pinaniniwalaang ito ang magiging pinakamalaking romantic movie ng season. Bakit naman hindi? Ang sumulat ng istoryang ito ay mula sa isang magaling na manunulat at iginagalang na director na ring si Antoinette Jadaone, na nakilala bilang breakout romantic-comedy director.
Sa pelikulang ito ng Star Cinema na mapapanood na ngayong araw, July 1, mamarakahan ng The Breakup Playlist ang directorial debut ng award winning na director na si Dan Villegas na isa rin sa pinamahuhusay na cinematographer ng Star Cinema.
Ang The Breakup Playlist ay isang love story na umiikot kina Gino (Pascual) at Trixie (Geronimo). Si Gino ay isang bokalista sa isang banda na ni-recruit ang law student na si Trixie upang maging singing partner. Ang electrifying chemistry nila sa entablado ay humantong sa real-lire romance at sila ay naging magkasintahan. Subalit dala ng insecurities ni Gino, napilitan si Trixie na iwan ang banda. Roon nagkaroon ng hindi magandang pagsasama ang dalawa. Kung ano pa ang mangyayari, iyon ang dapat nating alamin.
SHOWBIZ KONEK – Maricris Valdez Nicasio
