Pinay drug convict sa Malaysia ligtas na sa bitay

NAKALIGTAS sa kamatayan ang Filipina na nakakulong sa Malaysia dahil sa pagpuslit ng ilegal na droga.

Hindi na bibitayin si Jacqueline Quiamno makaraan magdesisyon ang pardon board ng Malaysia na iklian ang sentensiya sa Filipina.

Ayon sa embahada ng Filipinas sa Malaysia, makukulong na lamang ng habambuhay si Quiamno na nahuli sa pagpuslit ng limang kilo ng cocaine sa airport sa Kuala Lumpur.

Ito ay kasunod ng hiling na clemency ng Filipinas at ng pamilya ni Quiamno.

Si Quiamno ay inaresto noong 2005 at noong 2010 ay napatunayang guilty ng korte.

Nagpasalamat ang embahada ng Filipinas sa sultan ng Selangor state at sa Selangor Pardons Board sa pagbibigay ng konsiderasyon sa apela ng Filipina.