Bebot arestado P.2-M shabu

NAGA CITY – Hindi kukulangin sa P200,000 ang halaga ng shabu na nakompiska sa isang babaeng tulak ng droga sa Brgy. 10, Lucena City kamakalawa.

Kinilala ang suspek na si Marilou Deseo, 34-anyos.

Nahuli ang suspek sa operasyon ng pinag-isang puwersa ng PNP-Lucena at Quezon Criminal Investigastion and Detection Team.

Nakuha sa pag-iingat ng suspek ang apat na heat sealed plastic sachet na naglalaman ng pinaniniwalaang 15 gramo ng shabu.

Sinasabing dati nang under surveillance si Deseo ngunit sadyang mailap kaya natagalan bago tuluyang nadakip.

Sa ngayon, nasa kustodiya na ng Lucena City Jail ang suspek habang inihahanda ang kasong isasampa sa kanya na paglabag sa RA 9165 o Selling of Dangerous Drug and Possession of Dangerous Drug.