P14-B insentibo para sa guro, personnel inihanda na ng DepEd

MALAPIT nang matanggap ng kwalipikadong mga guro at personnel ng Department of Education (DepEd) ang kanilang productivity enhancement incentive (PEI) na katumbas ng isang buwan sahod.

Sinabi ng Department of Education, inilabas na ng Department of Budget and Management ang P14 bilyon para sa PEI

“Eligible DepEd employees shall receive a one-time PEI equivalent to one month basic salary, pursuant to Executive Order 181, series of 2015,” ayonsa DepEd .

Ayon sa DepEd, ipinalabas na kamakailan ng DBM ang Special Allotment Release Order (SARO) para sa pagpapalabas ng PEI para sa fiscal year 2015.

Sinabi ng DepEd, ang pondo ay idina-download na sa DepEd regional offices.

Inatasan na ni DepEd Secretary Armin Luistro ang field offices na ihanda ang payroLl para sa qualified employees, dagdag pa ng DepEd.

Rowena Dellomas-Hugo