HATAW! D'yaryo ng Bayan hatawtabloid.com
MAY indie movie na ang grand winner sa Gandang Lalaki segment ng It’s Showtime na si Nikko Natividad. Siya ang bagong talent ni katotong Jobert Sucaldito at ayon sa kanya, nakatakda nang gumawa ng indie film si Nikko.
Iglap ang title ng movie na mapapasabak si Nikko na pamamahalaan ni Direk Neil Buboy Tan at pagbibidahan ni Neil Coleta. Nakatakda ring gawin ni Nikko ang play under ng DepEd na iikot sa iba’t ibang paaralan.
Sino ang idol mong aktor at gustong sundan ang yapak?
“Si Coco Martin, magaling po kasi siya. Iyong pag-arte niya ay may hugot talaga na parang napagdaanan niya. Na parang pareho kami, waiter din ako sir e, pareho kaming mahirap at pareho kaming maagang nagtrabaho.
“Kaya inspirasyon ko sir si Coco at gusto kong gayahin siya na isang magaling na actor,” saad ni Nikko.
Ang 21 year old na binata na tubong Malolos, Bulacan ay sumailalim sa acting workshop sa pangangalaga ng komed-yanteng si Ogie Diaz.
Anong natutunan mo so far kay Ogie? “Tapos na po ako sa basic. Advance na po ako nga-yon at nalaman ko na yung basic na pag-arte, kung paano magkabisa ng script, kung paano yung tamang pag-deli-ver ng mga script.
“Sobrang enjoy po ako sa pagwo-workshop kay sir Ogie, napakagaling po, hands-on po si sir Ogie, hands-on ta-laga sa amin.”
Paano mo siya ide-describe bilang teacher? “Wala pong stress kay Sir Ogie. Kasi, mahigpit siya pero napapatawa niya kami. Hindi kami natatakot, pero sumusunod kami sa kanya agad. Kasi iba yung aura niyang magturo, iba yung dating niya. Para lang kaming naglalaro sir, yun na yung pinaka-definition ko sa kanya.”
ALAM MO NA! – Nonie V. Nicasio
