3 bata nalitson sa Zambo fire

ZAMBOANGA CITY – Binawian ng buhay ang tatlong bata makaraan masunog ang kanilang bahay sa lungsod na ito nitong Miyerkoles ng gabi.

Ayon sa ulat ng pulisya, natupok ang isang bahay sa Brgy.  Tictapul dakong 9:15 p.m. na ikinamatay ng mga biktimang sina Abdulazis Tunga, 12; Abdulatip, 10; at Alih, 8.

Sinabi ni Inspector Salvador Galvez, Zamboanga City police station 1 chief, ang sunog ay maaaring sanhi nang napabayaang may sinding gasera na posibleng natumba habang natutulog ang mga bata.