P260-M Grand Lotto jackpot mailap pa rin

WALA pa ring masuwerteng nanalo sa mahigit sa P259 milyon jackpot prize ng 6/55 Grand Lotto.

Ayon sa ulat ng Philippine Charity Sweepstakes Office (PCSO), hindi pa rin napanalunan ng sino mang bettor ang winning number combinations na 51-42-49-25-37-17. Ang prem-yo ng draw kamakalawa ay umabot na sa P259,824,472.00.

Nabatid na dalawang buwan nang hindi napapanalunan ang premyo sa Grand Lotto.

Bunsod nito, inaasahang patuloy pang tataas ang grand prize.

Ang Grand Lotto ay may regular draw tuwing Lunes, Miyerkoles at Sabado.

Samantala, wala rin nanalo sa 6/45 Mega Lotto draw na may mahigit P31 milyon jackpot prize.

Ang eksaktong numero para sa Mega Lotto ay 14-21-25-36-45-03 para sa P31,920,476.00 premyo.