Special child ginahasa, pinatay sa Cavite

HINALAY saka pinatay ang isang 11-anyos dalagitang special child ng kanyang kapitbahay sa Bacoor, Cavite.

Natagpuan ang biktima na may busal sa bibig sa liblib na lugar malapit sa gusali ng DOST sa Bacoor kamakalawa.

Ayon sa mga testigo, huling nakita ang bata kasama ang suspek na si Rene Alico, 22, noong Hunyo 14 sa isang parke.

Nadakip sa follow-up operations ng pulisya si Alico sa kanyang bahay sa Villa Esperanza.

Inamin niya sa Bacoor PNP na ginahasa muna niya ang biktima habang nasa ilalim ng impluwensya ng alkohol saka niya pinatay sa pamamagitan ng pagpalo sa ulo gamit ang matigas na bagay.

Kakasuhan si Alico ng rape with homicide.