Jackie Dayoha, nag-e-enjoy bilang radio co-host sa Tate

KAKAIBANG ligaya para sa masipag na businesswoman na si Jackie Dayoha ang ginagawa niya ngayon sa Amerika. Bukod kasi sa kanyang mga inaasikasong negosyo, co-host na rin si Ms. Jackie ni Ogie F. Cruz sa Radyo Filipino Amerika / Showbiz Watcher.

Ang kanilang radio program ay napapakinggan tuwing Monday, Wednesday, at Friday sa ganap na 10pm to 12 midnight.

Kabilang sa mga Pinoy celebrities na naging guest na sa kanilang palatuntunan sina Gabby Concepcion, Martin Nievera, Heart Evangelista, Senator Chiz Escudero, at marami pang iba.

Kamakailan ay nagkaroon din sila ng Independence Day show roon na pinangunahan nina Gabby ang producer Dra. Tess Mauricio sa Balbao Park, San Diego, California sa pakikipagtulungna nina Ms Jackie, Ogie at Bella Limoge, President- Filipino American Organization.

Si Ms. Jackie ay isa ring concert producer, album producer at nagging talent manager din. Sa pagbabalik niya sa Pilipinas, balak niyang maging active ulit sa showbiz.

ALAM MO NA! – Nonie V. Nicasio