Lola ginahasa bago pinatay

HINIHINALANG ginahasa muna ang isang lola bago pinatay sa loob ng kanyang bahay sa Brgy. Bulacao, Cebu City kamakalawa. 

Lumalabas sa imbes-tigasyon na binutas ng hindi nakilalang suspek ang bubong ng bahay ng biktima na mag-isang na-tutulog. 

Natagpuan ang bangkay ng biktimang nakahiga sa kama at wala nang suot na panloob. 

Duguan ang bibig ng lola at may mga pasa sa iba’t ibang bahagi ng katawan. 

Kwento ng mga kapitbahay, narinig nilang sumigaw ang biktima sa gabi ng krimen at may binanggit na pangalan. Naniniwala ang pamilya ng biktima na kakilala niya ang suspek. 

Naniniwala ang mga pulis na maaaring tinangkang pagnakawan ng suspek ang lola ngunit nagmatigas kaya pinaslang. 

Hihintayin ng pamilya ng lola ang resulta ng autopsy sa bangkay upang makompirma kung pinagsamantalahan.