HATAW! D'yaryo ng Bayan hatawtabloid.com
TAYABAS City – Makaraan ang limang taon, nadakip ang tatlong magsasakang magkakapatid na gumahasa sa isang 15-anyos dalagita sa Brgy. Poblacion, Tayabas City.
Ang biktima ay itinago sa pangalang Abigail, residente ng naturang lungsod.
Habang detinedo sa lock-up Jail ng Tayabas PNP ang magkakapatid na sina Limson Perlas Mayores, Eugene Perlas Mayores, at Rizaldy Perlas Mayores, pawang ng nasabi ring lugar.
Sa Ipinadalang report ng Tayabas PNP sa Camp Guillermo Nakar sa tanggapan ni Senior Supt. Ronaldo Genaro Ylagan, Quezon PNP Provincial Director, naganap ang panggagahasa dakong 10 a.m. noong Pebrero 2010.
Ayon sa biktima, pauwi na siya sa kanilang bahay nang masalubong niya ang tatlong suspek na sapilitan siyang dinala sa isang madamong lugar at halinhinana siyang ginahasa.
Pagkaraan ay nagbanta ang mga suspek na papatayin siya kapag may nakaalam sa nangyari kaya inilihim niya ang insidente sa nakaraang limang taon.
Ngunit kamakalawa ay nagpasya ang biktima na ipagtapat sa mga magulang ang insidente.
Bunsod nito, nagpasya ang mga magulang na magreklamo sa himpilan ng pulisya na nagresulta sa pagkakadakip sa mga suspek.
Raffy Sarnate
