Graft vs DepEd Mindanao off’l

INIREKOMENDA ni Ombudsman Conchita Carpio-Morales ang kasong graft laban kay Mindanao Department of Education regional director Walter Albos dahil sa maanomalyang pagbili ng computers noong 2008.

Lumabas sa record ng Commission on Audit (COA), walang public bidding na isinagawa sa pagbili ng information technology equipment at software na nagkakahalaga ng P2,998,100.

Gayonman inalis na ng COA ang suspensiyon kay Albos makaraan mabayaran ang mga account.

Nais ng Ombudsman na ituloy ang kasong graft dahil hindi pinatunayan sa record na ang Bids and Awards committee ay kasama sa pagbili dahil hindi sapat ang paliwanag ni Albos kung paano niya ginamit ang alternatibong paraan para sa pagbili ng computer softwares.