‘Joker’ inutas sa b-day party (Bisita ‘di natawa)

PINAGSASAKSAK hanggang mapatay ang isang lalaki ng kainoman nang mainis sa pagpa-patawa ng biktima sa dinaluhang birthday party sa Bulakan, Bulacan kahapon ng madaling-araw.

Kinilala ang biktimang si Augusto Remular, 57, residente ng Brgy. Panginay, Guiguinto, Bulacan, namatay habang nilalapatan ng lunas sa pagamutan sanhi nang matinding tama ng saksak sa katawan. 

Habang agad naaresto ng pulisya ang suspek na si Gerry Diaz Opla, tubong Surigao del Sur, naninirahan sa  Bgy. Panginay, Bulakan.

Batay sa ulat, naganap ang insidente sa Brgy. Matungao sa naturang bayan dakong 1:30 a.m. sa birthday party  ng isang residente.

Nabatid na bigla na lamang nagkaroon ng mainitang pagtatalo ang biktima at ang suspek.

Sinasabing nang hindi nagustuhan ni Opla ang pagpapatawa ni Remular ay itinulak ng biktima ang suspek palabas ng bakuran at inatasang umuwi na sa kanilang bahay.

Pagkaraan ay ipinasya na rin ng biktima na umuwi na ngunit lingid sa kanyang kaalaman ay inabangan siya ng suspek at inundayan siya ng saksak.

Micka Bautista