HATAW! D'yaryo ng Bayan hatawtabloid.com
VIGAN CITY – Iniimbestigahan ng PNP-Sta. Cruz ang panggagahasa ng isang lalaki sa kanyang stepdaughter na umabot ng limang taon sa bayan ng Sta. Cruz, sa lalawigan ng Ilocos Sur.
Ayon kay Insp. Simon Damolkis, hepe ng PNP-Sta. Cruz, limang taon nang ginagahasa ng suspek ang biktima simula noong 12-anyos pa lamang nang magsama ang lalaki at ang ina ng dalagita.
Mismong ang mga kamag-anak ng biktima ang dumulog sa pulisya at ipinaalam sa kanila ang nangyari sa dalagita.
Nabatid na napansin ng mga kamag-anak na iba ang mga ikinikilos ng biktima kaya kinausap nila at napaamin sa ginagawa sa kanya ng suspek.
Isasailalim sa counselling ang biktima habang magsasagawa nang dagdag pang imbestigasyon ang pulisya ukol sa nangyari.
Hindi pa makuhanan ng impormasyon ang ina ng biktima.
