Panaginip mo, Interpret ko: Putik, maputik at lumipad

 

Gud am Señor H,

Nagdrim kasi po ako re: putik, maputik ang daan tas ay may naglagay s akin ng putik, sa mukha ko bale, tas ay hindi ko masyado matandaan pero parang lumipad ako, kaya nagtataka ako, yon na po, sana masagot nyo agad, tnk u, plz dnt post my cp

To Anonymous,

Ang putik sa bungang-tulog ay nagsasabi na ikaw ay posibleng nasasangkot sa ilang messy and sticky situations. Nagpapaalala rin ito sa pangangailangan ng ilang spiritual cleansing. Maaaring may suliranin, sitwasyon, o relasyon na nagpapabigat sa iyo at ikaw ay nagiging frustrated. Maaaring may kaugnayan din ito sa mga taong naninira sa iyo at gustong mabahiran ng dumi ang iyong pagkatao.

Ang hinggil naman sa mukha ay maaaring ang persona na ipinakikita mo sa iba na taliwas sa iyong totoong pagkatao.

May kaugnayan din ito sa pagharap mo sa mga problema at mga isyu na dumarating sa iyo sa pang-araw-araw na buhay, o kaya naman, hinggil sa mga taong hindi dapat na pagkatiwalaan ng lubusan.

Ang paglipad mo naman ay may kaugnayan sa sense of freedom na kung saan noong una ay inaakala mong wala kang kalayaaan o kaya naman ay limitado lamang ito.

Dapat pahalagahan at ingatan ang mga magagandang dumarating na kapalaran sa iyo, upang hindi makalagpas sa iyo ang grasya at huwag masayang ang oportunidad na abot kamay mo na.

Señor H.