2 tulak tiklo sa 2 kilo ng shabu

Naaresto ng mga operatiba ng Philippine Drug Enforcement Agency (PDEA) ang dalawang hinihinalang drug pusher sa buy-bust operation at nakompiskahan ng dalawang kilo sa shabu sa Malolos City, Bulacan.

Kinilala ni PDEA Director General Arturo Cacdac Jr., ang mga suspek na sina Herwin Francis Tee, 31, at McArben Reyes, 30, tricycle operator, ng Lorenzo Compound, Brgy. Sumapang Matanda, sa naturang lungsod.

Ayon sa ulat, nagsagawa ng sunod-sunod na operasyon ang mga ahente ng PDEA sa bisinidad ng Hiyas Subdivision, Brgy. Sumapang Matanda, Ligas Road, Malolos City, na nagresulta sa pagkaaresto sa dalawang suspek.

Nakompiska ng mga awtoridad mula sa mga suspek ang dalawang kilo ng hinihinalang shabu.

Micka Bautista