4 sugatan sa karambola ng 11 sasakyan sa NLEX

APAT ang sugatan sa karambola ng 11 sasakyan sa North Luzon Expressway (NLEX) northbound bahagi ng San Fernando, Pampanga nitong Lunes ng umaga. 

Ayon kay Robyn Ignacio, head ng traffic management and safety department ng NLEX, may nauna nang aksidente sa naturang bahagi ng NLEX na naging dahilan para bahagyang magsikip ang trapiko. 

Gayonman, pasado 10 a.m. aniya nang sumalpok ang isang trailer truck sa pila ng mga sasakyan na hindi makausad dahil sa nauna nang aksidente. Bahagya lang aniya ang sugat ng apat na mga biktimang agad  binigyan ng paunang lunas.