Police asset itinumba sa Tondo

PATAY ang isang 51-anyos hinihinalang ‘asset’ ng mga pulis makaraan pagbabarilin sa loob ng kanyang bahay ng hindi nakilalang mga suspek kahapon ng umaga sa Tondo, Maynila.

Namatay noon din ang biktimang si Roberto Adarne, ng 1016 New Antipolo Street,Tondo, Maynila

Ayon sa imbestigasyon ni SPO3 Glenzor Vallejo ng Manila Police District-Homicide Section, dakong 5:20 a.m. biglang pinasok ng mga suspek ang bahay ng biktima at siya ay pinagbabaril bago mabilis na tumakas ang mga salarin.

Nabatid kay Evangeline Cruz, kinakasama ng biktima, posibleng napagkamalang asset ng pulis ang biktima dahil maraming tulak ng droga sa kanilang lugar ang naaresto kamakailan.

(LEONARD BASILIO)