HATAW! D'yaryo ng Bayan hatawtabloid.com
PATAY ang isang jeepner barker na nagtangkang nakawan ang isang gasolinahan nang mahawakan ang live wire sa loob ng cashier’s booth sa Caloocan City, kamaka-lawa ng gabi.
Kinilala ang biktimang si Nelcar Enate, 20, ng Sarimburao St., Brgy. 8, ng nasabing lungsod.
Batay sa ulat ni SPO2 Joselito Barredo, dakong 9 p.m. nang maganap ang insidente sa loob ng cashiers booth ng Shell Gasoline Station sa kanto ng C-4 Road, Dagat-Dagatan Avenue ng nasabing barangay.
Kasama ang isang alyas Liit, winasak nila ang kandado at pinasok ang cashiers booth ng gasolinahan ngunit nahawakan ng biktima ang live wire kaya siya ay nakoryente.
Nataranta si alyas Liit sa nangyari kaya iniwan ang biktima at tumakas.
Nabatid na isang linggo nang sarado ang gasolinahan dahil sa isinasagawang pagsasaayos ngunit tinangkang pagnakawan ng biktima at ng kanyang kasama.
Rommel Sales
