6-anyos kritikal sa dos por dos

GENERAL SANTOS CITY – Kritikal sa General Santos City Hospital ang 6-anyos batang lalaki makaraan hampasin ng  dos-por-dos ng kanilang kapitbahay kamakalawa.

Kinilala ang biktimang si alyas Dodong, taga Saeg, Brgy. Calumpang sa lungsod, habang ang suspek ay si Josephine Alaman, 40-anyos.

Sa impormasyon mula sa lola ng biktima, tinawag ng suspek ang kanyang apo at nang lumapit ang bata ay bigla niyang hinataw ng dos-por-dos na kahoy sa ulo.

Hindi pa nakontento ang kanilang kapitbahay, ipinasok pa sa sako ang bata ngunit napigilan ng mga nakasaksi sa insidente.

Nabatid na kamakailan lang ay namatay ang mister ng naturang suspek na pinaniniwalaang dahilan kaya mistulang nawala sa matinong pag-iisip.