Sinermonan ni utol 14-anyos naglason

ROXAS CITY – Hindi na naisalba ng mga doktor ang buhay ng isang 14-anyos dalagita na uminom ng lason makaraan pagalitan ng kanyang kapatid sa Brgy. Maalan, Maayon, Capiz kamakalawa.

Binawian ng buhay habang nilalapatan ng lunas sa ospital ang biktimang kinilalang si Lynlyn, ng New Guia, Maayon, uminom ng isang uri ng pesticide.

Nabatid sa imbestigasyon ng Maayon Police Station, bumisita ang biktima sa bahay ng nakatatandang kapatid at nagpaalam na bibisita sa isang lamay.

Ngunit nagtampo ang biktima dahil nagalit ang kapatid at hindi siya pinayagang umalis.

Napag-alaman, sumigaw sa paghingi ng saklolo ang dalagita makaraan uminom ng pesticide kaya isinugod sa ospital ngunit binawian ng buhay.