HATAW! D'yaryo ng Bayan hatawtabloid.com
IPINAAARESTO ng Sandiganbayan 1st Division ang dating tauhan ni Janet Napoles makaraan dalawang beses na hindi sumipot sa arraignment.
Bukod sa pag-aresto sa dating empleyado ni Napoles na si Laarni Uy, ipinababawi rin ni Associate Justice Efren Dela Cruz ang inihaing piyansa ng akusado.
Nitong Huwebes sana ang ikalawang arraignment ni Uy ngunit hindi na naman dumalo kaya ipinag-utos ng Sandiganbayan ang pagpapalabas ng warrant of arrest.
Noong Abril 8 hindi rin natuloy ang arraignment kay Uy dahil hindi siya nagpakita maging ang kanyang abogado.
May limang araw noon ang kampo ng akusado para magpaliwanag ngunit wala rin natanggap na sagot ang korte.
