HATAW! D'yaryo ng Bayan hatawtabloid.com
NAGA CITY – Sa kulu-ngan ang bagsak ng isang lalaki makaraan makompiskahan ng illegal na droga na ibinayad sa kanya sa biniling karne ng baboy ng isang kapitbahay sa Pacol, Naga City kamakalawa.
Kinilala ang suspek na si Joel Azotilio, ng nasabing lugar.
Ayon kay PO2 Gil Guban, nagpapatrolya ang kanilang grupo nang mapansin na tila may nakasukbit sa baywang ng suspek.
Nakompirma na may dala siyang patalim sa ginawang pagkapkap ng mga awtoridad at nakuha rin sa pag-iingat niya ang isang plastic sachet na naglalaman ng shabu.
Agad nagpaliwanag ang suspek sa mga pulis na ibinayad lamang sa kanya ang ilegal na droga sa biniling karne ng baboy ng isa sa mga residente sa kanilang barangay.
Nakakulong na ang suspek habang inihahanda ang kasong isasampa laban sa kanya.
