13-anyos dalagita pinilahan ng 4 manyak

GUMACA, Quezon – Halinhinang ginahasa ng apat kalalakihan ang isang 13-anyos dalagita sa Brgy. Poblacion ng nabanggit na bayan kamakalawa.

Itinago ang biktima sa pangalang Juliet, residente ng nasabing lugar.

Batay sa ulat ni Chief Insp. Romulo Albacea, hepe ng Gumaca PNP, dakong 9:40 p.m. naglalakad ang biktima sa tabi ng riles ng tren kasama ang isang kaibigan na nagngangalang Tony, nang masalubong nila ang dalawang suspek na kapwa 40-anyos, at isang 16 anyos binatilyo na armado ng patalim.

Itinulak aniya siya ng mga suspek sa madilim na lugar sa taniman ng saging at halinhinang ginahasa ng mga suspek.

Aniya, imbes na tulungan siya ni Tony ay ginahasa rin siya ng lalaki.

Nang makaraos ay mabilis na tumakas ang mga suspek habang agad nagreklamo sa himpilan ng pulisya ang biktima.

Pinaghahanap na ng mga awtoridad ang mga suspek na pansamantalang hindi ibinunyag ang pagkakakilanlan.

Raffy Sarnate