HATAW! D'yaryo ng Bayan hatawtabloid.com
NAHULOG SA BITAG NI JOLINA ANG BOSS NA SI PETE
Hinawakan siya sa kamay nito: “’Lam mo bang pinaligaya mo ‘ko nang tanggapin mo ang offer ko?”
Ngumiti lang siya ulit.
“At ako na siguro ang pinakamaliga-yang nilalang sa buong mundo kung papayag kang maging partner ko,” hirit ni Pete.
“Wala naman akong maisososyo sa business mo, e…”
“Ibig kong sabihin, kapag naging partner in life kita, Jo…”
Lihim na ikinagalak iyon ni Jolina. Kusa nang pumapasok si Pete sa kanyang bitag. Pero kinakailangan pa rin niyang mag-inis-yatiba upang todo-todong masilo. Naroon ang pasimpleng pagpukaw niya sa atensi-yon ng binata sa pag-upo-upo ng de-kuwatro sa harap nito. Naroong sagi-sagiin niya ito. O ipagkiskisan ang katawan niya kapag nagkakatabi ito sa upuan. Dahil umiibig at lalaking-lalaki sa tunay na kahulugan, bigla na lang kumawala ang damdamin nito.
Nakita ni Jolina ang mabilisang pagla-lock ni Pete sa pintuan ng kanilang opisina. At paglapit na paglapit sa kanya, walang sabi-sabi siyang niyakap nito nang buong higpit. Nanibasib ito ng halik, pakuyumos na sinagpang ang kanyang mga labi. Handa siya sa mga mangyayari. Kunwa-kunwarian lang ang malalay niyang pagtutol sa kapangahasan nito. At naganap ang ina-asahan niyang kadulu-duluhan niyon.
Pinilit ni Jolina na maiyak.
“Paano na ako ngayon?” paglulungkot-lungkutan niya.
“Mahal na mahal kita, Jo… Handa kitang pakasalan ano mang oras,” pang-aalo sa kanya ni Pete.
“Baka sabi mo lang ‘yan, ha?” umarte rin pati boses niya.
“Makikipag-usap agad ako sa mommy at daddy mo,” si Pete, nanghawak sa palad niya.
“Kelan, Pete?” usisa niya.
(Itutuloy)
ni Rey Atalia
