HATAW! D'yaryo ng Bayan hatawtabloid.com
KRITIKAL ang isang 27-anyos buntis na sekyu makaraan saksakin ng kanyang live-in partner dahil sa selos kamakalawa sa Sta. Mesa, Maynila.
Nasa Ospital ng Sampaloc ang biktimang si Adilien Meniano, limang buwan buntis, lady guard ng LRT 1, residente sa Anonas Ext., NDC Compound, Sta. Mesa, Maynila, sanhi ng mga saksak sa dibdib.
Habang nakatakas ang suspek na si Roldan Gono, 35, karpintero, ng nasabi rin lugar, mabilis na tumakas makaraan ang insidente.
Sa imbetigasyon ni Chief Insp. Alexander Reyes de Jesus, ng MPD PS 8, dakong 11:30 p.m. nang maganap ang insidente sa loob ng kanilang bahay.
Umiinom ng beer ang suspek nang komprontahin ang kanyang misis dahil sa pagseselos.
Bunsod nito, nagkaroon sila nang mainitang pagtatalo hanggang kumuha ng patalim ang suspek at pinagsasaksak ang biktima.
(LEONARD BASILIO, may dagdag na ulat sina MARY JOY SAWA-AN, DARWIN MACALLA, at JOSHUA MOYA)
