2 bata patay, 2 kritikal sa gumuhong pader

PATAY ang dalawang bata at kritikal ang dalawa pang biktima nang mabagsakan ng gumuhong pader ng isang abandonadong bahay sa Cardona, Rizal, kamakalawa ng umaga.

Sa ulat ni Senior Insp. Michael Angeles, hepe ng pulisya, kinilala ang mga namatay na sina Joss Ember Julian, 9, at Jade Andrew Barquin, 6, habang malubha ang kalagayan sa pagamutan nina Alvin Lachica, 25, at Noah James Bautista y Bello, 5, pawang nakatira sa nabanggit na lugar.

Ayon sa ulat ng mga awtoridad, dakong 9 a.m. hanggang 9:30 a.m. nangyari ang insidente habang masayang naglalaro ang mga biktima sa tila skeleton at abandonadong bahay na pag-aari ng isang nagngangalang  Ernie na matagal nang nasa ibang bansa.

Masusing iniimbestigahan ng mga awtoridad ang nasabing insidente.

Ed Moreno